Sunday, November 19, 2017

Eng-Ver

logo

0000001

Image1

Fetu'utu'unai Muniao

 

Fesuiaiga mo le Faaleleia o Galuega Lautele a le Malo o Samoa

E le mafai ona faatino galuega ma fuafuaga a le Lala o Tulafono ma le Amiotonu a Samoa e aunoa ma le vaai i suiga po o aafiaga i isi itu o le galuega; faataitaiga o le faagaoioiga o isi Lala e pei o le Lala o Aoaoga po o le Soifua Maloloina. E tele aafiaga o la tatou Lala i faafitauli po o luitau o lo o feagai ma isi vaega o le Malo, ma e tatau ona manatua lea tualaga i tapenaga a la tatou Lala.

O le isi itu e tatau ona silasila totoa iai le Lala o Tulafono ma le Amiotonu a Samoa o suiga i le faasoaina o seleni po o oa utiuti o lo o tua iai le faatinoga o atinae ma galuega a le Malo. Ona o le utiuti o le faasoa e tatau ona fai faautauta fuafuaga aua le faaaogaina lelei o fesoasoani mai Atunuu i Fafo aua le ausia o fuafuaga aoaotetele a le Malo faapea le Lala. E tatau ona puipui mai le tafilisaunoa ma le le fuafua-lelei o atinae fai. O i e aoga ai le tausisi i faigafaavae ua maea tapena mo le faagaoioiga o tupe aua galuega o lo o fia faatino.

Faatupega o Galuega

O tupe o lo o faatino ai atinae a le Lala o Tulafono ma le Amiotonu a Samoa e faafoeina lea e le Matagaluega o Tupe. O le Ofisa Tutotonu o le Lala e nafa ma le tapenaina o moomiaga uma aua le totogiga o vaega eseese o atinae o lo o faatupe e le Lala. O maliliega uma mo fesoasoani tupe mai Atunuu i Fafo e faia lea ma le Malo o Samoa, ona faafoe lea e le Matagaluega o Tupe le faaaogaga o ia fesoasoani. I so o se tapenaga e pei o le Fuafuaga 2012-2016 lenei a le Lala e manaomia se Tala Faatatau o le Tupe mo tausaga e tolu (3) o lumanai; e fesoasoani lea i le sailia o ni Paaga/Malo mai Fafo e fia fesoasoani i le faatupega o Fuafuaga a le Lala.

Matatia ma Luitau

Tele galuega lelei a le Lala o Tulafono ma le Amiotonu a Samoa ua maea faatino, ae mo le agai i luma, o le luitau tele o le a feagai ma le Lala o le mafai lea ona Fetuutuunai Muniao aua suiga fati sosoo. E ao ina silasila ma saili i tomai fou, ae aua nei nofoai ma faapea ua lava le iloa lea ua iai; e tatau ona mataala ina nei mele avanoa e faamaopoopo ai tomai ma agavaa, ma faaleleia ai le Auaunaga, ona o le faatamala. E tatau ona faamalosia mea lelei ua amata; tatau ona vaai muamua i o tatou tagata ma tagi-i-lima le atinae o lo tatou Atunuu, a o lei vaai i isi mo lo tatou lumanai; a ia aua foi nei galo e leai se tasi e tu-faa-mauga ma galuluea faamaoni manu o ao.

Faaeteetega

O itu nei e ao ona matau iai le Lala o Tulafono ma le Amiotonu a Samoa aua e ono tutaia ai ana fuafuaga: o le nafatia e le Aufaigaluega ona faatino le galuega i le tulaga moomia; o le le lava o le faasoa; o le le talafeagai o atinae e faatino ma fuafuaga a le Lala; o le le ausia o Sini Autu o le Lala po o fuafuaga a le Malo mo le Lala; o le le mafai ona faaauau le Lala. O auala e mafai ona alo ese ai mai ia tulaga o le lava tapena o le Lala; o le maeaea ona suesue ma talafeagai atinae e fuafua; o le lelei o le faasoaga o fesoasoani mai Atunuu i Fafo; o le mautu o fesootaiga i le lotoifale ma le va-i-fafo o le Lala; o le tausisi i Pulega Lelei ma le Tauleleia; o le mautu ma le malosi o le faatautaiga o le Lala o Tulafono ma le Amiotonu a Samoa e lana Komiti Faafoe, ma le mautu o le lagolago a lona Ofisa Tutotonu.

Mea o le a Tutupu

Last month November 2017 Next month
S M T W T F S
week 44 1 2 3 4
week 45 5 6 7 8 9 10 11
week 46 12 13 14 15 16 17 18
week 47 19 20 21 22 23 24 25
week 48 26 27 28 29 30


photogallery



Fetu'utu'unai Muniao

Fesuiaiga mo le Faaleleia o Galuega Lautele a le Malo o Samoa

E le mafai ona faatino galuega ma fuafuaga a le Lala o Tulafono ma le Amiotonu a Samoa e aunoa ma le vaai i suiga po o aafiaga i isi itu o le galuega; faataitaiga o le faagaoioiga o isi Lala e pei o le Lala o Aoaoga po o le Soifua Maloloina. E tele aafiaga o la tatou Lala i faafitauli po o luitau o lo o feagai ma isi vaega o le Malo, ma e tatau ona manatua lea tualaga i tapenaga a la tatou Lala.

readmore...

Taiala mo le Atinae o Samoa 2012-2016

Ua maea faataoto le faamoemoe o le Malo o Samoa mo le Lala o Tulafono ma le Amiotonu a Samoa mo le fa (4) tausaga o lumanai, ma e aofia ai itu nei:

  • Siitia le Saogalemu o Nuu ma Afioaga e ala i le faaleleia o le puipuiga mai soligatulafono;
  • Faaleleia Avanoa i Faamasinoga, Tulafono ma Auaunaga Faaletulafono;

readmore...

Fuafuaga 2012-2016 Lala o Tulafono ma le Amiotonu a Samoa

Ina ua iloilo le uluai Fuafuaga 2008-2012 a le Lala o Tulafono ma le Amiotonu a Samoa, na tulai mai ai ni isi itu e tatau ona ave iai le faamuamua i le Fuafuaga fou lenei e pei o le: siitia o le tomai e tapena maeaea ai atinae po o galuega fai a le Lala; ia aofia i ia tapenaga le maopoopo o taiala e fua pe mataitu ai le faasologa o atinae eseese ina ia fesootai ma 

readmore...

AGOMJCAMoPPMWCSD

       omb

SLRCSUNGOMoFPSC