Thursday, July 20, 2017

Eng-Ver

logo

0000001

Image1

LALA O TULAFONO MA LE AMIOTONU A SAMOA

O le faamoemoe maualuga na ala ai ona faavae le Lala o Tulafono ma le Amiotonu a Samoa, o le manatu lea ina ia fesoasoani i le faatinoga ma le ausia o fuafuaga aoaotetele a le Malo o Samoa o lo o i lana “Taiala mo le Atinae o Samoa”. O lea faatinoga e ala atu i atinae tapena a le Lala e tusa ai ma Fuafuaga 2012-2016, faapea le Fuafuaga 2008-2012 lea na sei mavae atu nei. O le taitaiga ma le mataituga galuega fai a le Lala o lo o iai lea i lana Komiti Faafoe; ma e galulue uma Vaega eseese o le Lala (Sector Agencies), Paaga i le Galuega (Stakeholders) ma Paaga o lo o aumaia fesoasoani tau Tupe (Donor Partners), le Komiti Faafoe faapea le Ofisa Tutotonu, ina ia siitia le tulaga o auaunaga uma tau Tulafono, Faamasinoga ma le Amiotonu.

Faatinoga o Galuega

Tautua lelei ma le faamaoni; feoeoeai ma Paaga i le Galuega, ina ia su’i tonu le mata o le niu - i taunuuga o galuega fai a le Lala o Tulafono ma le Amiotonu a Samoa mo le manuia lautele.

O le Tofamamao, Tofaliliu ma le Tofamanino a le Lala o Tulafono ma le Amiotonu a Samoa o lo o atagia ai lona faamoemoe i le Faatinoga o ana Galuega.

TOFAMAMAO

Faatinoina o le Amiotonu mo le Sogalemu ma le Mautu o Samoa

TOFALILIU

Tautua e Unaia, Puipui ma Faaleleia Avanoa i Faamasinoga aua le Faatinoina o le Amiotonu mo le Saogalemu ma le Mautu o Samoa

TOFAMANINO

  •  Soalaupule - o le tele o sulu e maua ai figota
  •  Fesilafai - amanaia le sao o Vaega uma o le Lala
  •  Ava-fatafata - fesili mulimai ia muamai
  •  Atoa-Lio a le Masina – silasila i tafa uma o se mataupu aua le sailiga o fofo po o le atinae aupito i onomea ma talafeagai


Nafa ma Matafaioi

O le pulega, faatautaiga o le Lala o Tulafono ma le Amiotonu a Samoa o lo o iai lea i lana Komiti Faafoe ina ia tapena, faatino, mataitu ma iloilo ana atinae ma galuega fai ina ia ausia Sini Autu ma atagia lana Tofamamao, Tofaliliu ma lana Tofamanino e tusa ai ma lana Fuafuaga 2012-2016.

O le Ofisa Tutotonu e lagolago i le galuega a le Komiti Faafoe ae maise i le tapenaga o Fuafuaga, Tala Faatatau o le Tupe ma le Mataituga o le Faasologa o galuega a le Lala.

Komiti Faafoe

O le Komiti Faafoe o le Lala o Tulafono ma le Amiotonu a Samoa o se tasi o Komiti Faafoe e matua mataina ona o le galulue feoeoeai ma le faamaoni i fonotaga ma faamoemoe eseese a le Lala. A silasila i Sui o le Komiti e vave ona manino o ni isi ia o le Atunuu e aupito i tele o latou tuatuagia, ae o lo o faamauina le auai uma i fonotaga faale-masina a le Komiti, faapea fesilafaiga ma le Atunuu aua galuega a le Lala. Ua manino foi i le maea ai o le faatinoga o le uluai Fuafuaga 2008-2012, o le Komiti Faafoe e aupito i talafeagai mo le taitaiga ma le faia o faaiuga uma aua le manuia o le Lala.

Sui o le Komiti Faafoe

  •  Loia Sili (Taitaifono)
  •  Komesina o Leoleo
  •  Pule Sili, Matagaluega o Faamasinoga ma le Faafoeina o Mataupu Tau Faamasinoga
  •  Komesina o Sulufaiga
  •  Pule Sili, Matagaluega o Tina ma Tamaitai, Atinae o Nuu ma Afioga ma Agafesootai
  •  Pule Sili, Komisi o Galuega a le Malo
  •  Pule Faatonu, Komisi mo le Toefuataiga o Tulafono a Samoa
  •  Pule Sili Lagolago – Foai mai Atunuu i Fafo, Matagaluega o Tupe
  •  Peresitene, Sosaiete a Loia Samoa
  •  Sui o le Faamalu mo Faalapotopotoga Tumaoti o Samoa
  •  Sui o le Atunuu
  •  Sui o le Fono o Ekalesia Soofaatasi a Samoa
  •  Sui o Sui o Nuu
  •  Sui o Sui Tamaitai o Nuu

Mea o le a Tutupu

Last month July 2017 Next month
S M T W T F S
week 26 1
week 27 2 3 4 5 6 7 8
week 28 9 10 11 12 13 14 15
week 29 16 17 18 19 20 21 22
week 30 23 24 25 26 27 28 29
week 31 30 31


photogallery



Fetu'utu'unai Muniao

Fesuiaiga mo le Faaleleia o Galuega Lautele a le Malo o Samoa

E le mafai ona faatino galuega ma fuafuaga a le Lala o Tulafono ma le Amiotonu a Samoa e aunoa ma le vaai i suiga po o aafiaga i isi itu o le galuega; faataitaiga o le faagaoioiga o isi Lala e pei o le Lala o Aoaoga po o le Soifua Maloloina. E tele aafiaga o la tatou Lala i faafitauli po o luitau o lo o feagai ma isi vaega o le Malo, ma e tatau ona manatua lea tualaga i tapenaga a la tatou Lala.

readmore...

Taiala mo le Atinae o Samoa 2012-2016

Ua maea faataoto le faamoemoe o le Malo o Samoa mo le Lala o Tulafono ma le Amiotonu a Samoa mo le fa (4) tausaga o lumanai, ma e aofia ai itu nei:

  • Siitia le Saogalemu o Nuu ma Afioaga e ala i le faaleleia o le puipuiga mai soligatulafono;
  • Faaleleia Avanoa i Faamasinoga, Tulafono ma Auaunaga Faaletulafono;

readmore...

Fuafuaga 2012-2016 Lala o Tulafono ma le Amiotonu a Samoa

Ina ua iloilo le uluai Fuafuaga 2008-2012 a le Lala o Tulafono ma le Amiotonu a Samoa, na tulai mai ai ni isi itu e tatau ona ave iai le faamuamua i le Fuafuaga fou lenei e pei o le: siitia o le tomai e tapena maeaea ai atinae po o galuega fai a le Lala; ia aofia i ia tapenaga le maopoopo o taiala e fua pe mataitu ai le faasologa o atinae eseese ina ia fesootai ma 

readmore...

AGOMJCAMoPPMWCSD

       omb

SLRCSUNGOMoFPSC